الكتاب " الفقي 
تخيل معي بقي صغار في عمر الزهور اللي حافظ بيقرأ واللي مش حافظ بيتمتم عاوز يردد وخلاص لحد ما يحفظ 
الأولاد بيقرأو السوره دي بشكل مختلف عن باقي السور بأيقاع مختلف يعني بيلحنوها طب ازاي
ويل للمطففين الذين اذا اكتالو علي الناس يستوفون اذا كالوهم او وزنوهم يخسرون
وهكذا وبعدين الرتم يقل يقل يقل لحد ما الجزء ينتهي 
طب ايه احسن يوم في الأسبوع ؟؟؟؟احسن يوم يوم الخميس طب ليه علي شان حاجتين
اولا " الأنصراف بيكون بدري بعد ما تدفع الخميس طبعا
ثانيا " حاجة سيدنا بقرأها لينا زي نشيد مشهور في كل الكتاتيب اسمه /بسم الله الأبتاتي
مكنتش عارف يعني ايه بس لما كبرت وفسرت الكلام بتاع النشيد ده طلع غير اللي كان سيدنا بيقرأه لينا مش عارف
هوا حافظه كدا وراثه عن جده ولا انا كنت بسمع غلط بس لما كبرت براجع النشيد مع احد اصدقائي لقيته بيقراه بردو بسم الله الأبتاتي
المهم هي تتقرا بسم الله نبتدأعلي السنه
والكتاب بالنبي
بدر التمام بالبقرة وال عمران
المهم اننا كنا بنبقي مبسوطين بالنشيد دة
في تكمله كبيرة للنشيد ده بس صعبة في النطق والكتابه وانا مش عارف معناها يعني عاوزة ترجمه
يعني خد عندك لو بتعرف تترجم
غدان شاد غدان شاد غدان شاد علي خشبين خش البيت بلا عتبين
وحاجات كتير تانيه مش عارفهااللي حافظها ويعرف ترجمتها يبعتهالي ارجوكم وبعدين
منظر الأولاد لما سيدنا يقوا انصراااااااااااف
::::::::متتخيلوش عامل ازاي حاجة تفرح زي ميكون واحد محبوس وافرجوا عنه عيال بقي
تمشي في الشارع تلاقي كل واحد ماشي ومعاة مصحف في ايده حاجة تفرح القلب الحزين
قبل ما انسي دول بعض مشايخ ناهيا المشهورين
خد عندك الشيخ/ كامل عنبه / احمد البشلاوي /كمال شحاتة / محمد البغدادي/الشخليلي/جواري
وغيرهم كتير في بلدنا وحاليا افتح ايدك مش هتعد عليها اكتر من خمس كتاتيب والله اعلم
في الفقي في مسابقات قرأن طبعا انا معرفشي حاجه عن القريه الي انا فيها غير الطريق اللي بمشي فيه والبيت
لما جت مسابقه تبع الكتاب سيدنا قالي انت هتروح معانا الأمتحان راجع كويس كانت اول مسابقه ليه
كنت حفظت ثلاثه اجزاء
سينا قال لينا كل واحد يجي بكرهلابس جلبيه بيضة وطقيه بيضه كنت فرحان ومزاطط وقتها علي شان هخرج برا البلد
رحنا بسيارة من امام الكتاب اللي كان في سيدي عمر عند الدوار مع الشيخ كمال شحاته
ولبست الجلبيه البيضه والطقيه البيضه وامتحنت
وبعد كام شهر نجحت وخت سبعة جنيهات دا مبلغ بالنسبالي كبير انا كنت باخد مصروف بريزه كنت علي وشك دخول المدارس
اول حاجة اشتريتها شنطه حلوه قوي قعدة معايا اكتر من سنه
يعني مكنتش كل سنه بجيب شنطه زي ولاد اليومين دول وشوية كراريس وكشاكيل وكتب المدرسه
كلده بسبعة جنيه ؟؟؟؟؟؟ امال ايه دا احنا في عصر ولا بلاش؟؟؟؟؟
اظن كفايه كدا كتاب اقصد الفقي ونروح المدرسه بس مش هسيب الكتاب برده هروح الأثنبن مع بعض
فاصل ونذهب الي المدرسه 
ليست هناك تعليقات:
إرسال تعليق