معالم في الطريق

بسم الله الرحمن الرحيم

امابعد فهذه بعض المعالم التي ترتكز عليهاملخص حياتي سواء في الصغر او الكبر

اولاً: الكُتاب" الفقي

ثانياً:المدرسه (الأبتدائيه الأعداديه الثانوية

ثالثا : مرحلة الجامعة

رابعا:مرحلة العمل

كل مرحله من هذه المراحل بها معالم بارزه لاتمحي من الذاكرة

سأبدأاولا: بمرحلة الكتاب او الفقي حيث تتراوح هذة الفترة مابين بداية الأدراك للأشياء الي سن السابعة

مرحلة الفطره النقيه التي لم تلوثها صراعات الحياه حيث يبدأ ادراك الأشياء ومن اهم معالم هذه الفتره الكتاب وهو ما تتميز به قريتنا

حيت لاتخلو اي منطقة من احد المشايخ الكرام المحفظين لكتاب الله الذي حل محله الأن الحضانه والتي في نظري لا تستطيع ان

تحل محل الكتاب معظم ابناء قريتي ناهياالحافظين للقرأن عن طريق الكتاب فلم اسمع حاليا ان حضانه حفظ فيها طفل او طفله القرأن كاملا

ومع نعومة اظافري وبدايه ادراكي للأشياءاول شئ في طريقي للفقي هو الشارع وهنا اقف لحظه مع شوارع ناهيا

الشارع في ناهيا قديما وحديثا

اقول ايه ولا ايه اول ما عيني فتحت وبدأت اشوف شوارع ناهيا كانت افضل من الحدائق حاليا حيث اعتادت والدتي ومعظم نساء قريتنا

علي تنظيف الشارع بالمقشة البلح التي كان يبيعها رجل من خارج بلدتنا ووجد في هذه القريه سوق رائجه لبيع المقشات البلح

اهم ما يميز هذا البائع هو صوته العزب ليس مجامله له فصوته مازال صداة في ازني صوته لو غني في هذا الوقت كان هيبقي افضل من نصف المطربين الموجودين علي الساحة الغنائيه حاليا بدون ذكر اسماء::::كيت وكيت وكيت؟؟؟؟

نرجع للشارع اصلي انا تربية شوارع بس شوارع ايه اللي حضراتكو بتمشوا فيها اليومين دول

اول شيئ يفعله نساء بلدتنا قبل الفطار وقبل ما يذهب رب البيت للعمل وقبل ما الأولاد تروح مدارسها او كتاتيبها تفتكرواايه؟؟؟؟؟؟

هو تنظيف الشارع بالمقشه البلح ورشه بالمياه مش بيغرقوا الشارع زي اليومين دول ويزحلقواالعيال علي شان ميلعبوش في الشارع

لا دا كان رش محترفين ولا تقولي ابن القرموطي اللي كان عاوز يشتغل جنايني في البيت الأبيض ولا اللمبي اللي صورته منزلتشي علي الجنيه لحد الوقتي

المهم كانت نساء القريه بيكنسوا الشارع ومش متضايقين زي نساء اليومين دول كان اول شيئ تعلمه الأم لأبنتها هو ازاي تكنس الشارع وترش المياه بحرص قبل ما تعلمها الخبيز والطبيخ ومكنتش اعرف يعني ايه زبال او زباله يوميها

تمشي في شوارع ناهيا تحس بطراوه في الحر وتستمتع بالمشي انما حاليا

مفيش حد بيعمل الكلام ده الا القليل مكنتش اتخيل في يوم ان ناهيا يكون فيها حد بيلم الزباله وفي تلال مثل هذة الأيام

يعني بختصار متلقيش شارع نضيف اليومين دول تربي فيه ابنك

يعني اطفال الشوارع اللي بنسمع اليومين دول عنهم لوكانو اتربوا في شوارع ناهيا كانو طلعواأأأأ بلاش نقول دكاترة علي شان الدكاترة ميزعلوش مني كانو هيبقوا ناس محترمين ويلاقو شارع نضيف يلمهم بدل ماهما مش لاقيين حته نظيفة تتاويهم

دا بختصار اول حاجة شفتها واتغيرت في بلدنا بلد الكتاتيب سابقا

نسيبنا من الشارع ونمشي دوغري علي شان نلحق الكتاب ""ليه هيا الساعة كام ياااااااااه

الساعة 7 صباحاً ليه هيا الناس بتصحي الساعة كام كنا بنصحي قبل طلوع الشمس مش بنصحي من لسعة الشمس لما تخش البيت وتحمي ونفطر كلنا علي طبليه واحده هعيط سبوووووووووووني

فين الطبليه هاتولي الطبليه اللي كنت بفطر عليها انا والبيت كله حاليا اصحي الصبح وافطر لواحدي واخويا يمش علي شغله بعد صلاة الفجر وانا بمشي الساعة 8 ومفيش حد مواعيده متفقه مع بعضها

نفسي مواعيد الشغل تكون ثابته في مصر كلها علي شان اقعد مع اخواتي علي طبليه واحده وافطراحلي فطور اليوم الوحيد اللي بنفطر فيه مع بعض يوم الجمعة وفي رمضان والله بعوده يا رمضااااااااااااااااااااااااااااان

ياه انا برغي كتير كل ده ولسه موصلتش الكتاب انا ماشي اه ورايح الكتاب ومش هرغي كتير

انا بعون الله لفيت وانا صغير علي اكتر سبع مشايخ افاضل من قرية ناهيا دي ناهيا فيها كتاتيب كتير الشيخ اللي يعبطك ويمدك بالفلكه

فاكرين الفلكة دي بقي كان نفسي يلموها من ناهيا ويودوها المتحف المصري بعد ما انقرضة

علماء النحو الأفاضل ممكن يكونوا عارفين سبب التسميه بس انا مش في الأسم انا في الأختراع نفسه

دي عبارة عن عصايه جامده قوي مربوطه من اطرافها بحبل تدخل رجلك جوا الحبل واثنين من مساعدين سيدنا اللي هوا الشيخ اللي بيحفظنا ويلفوا حوالين رجليك علي شان مترفص وانت بتنضرب طب تنضرب ليه

ممكن تكون محفظتش اللوح متفهمونيش غلط اللوح ده من مصطلحات الكتاب يعني الكام سطر اللي هتسمعهم لسيدنا

او غبت امس او مجبتش الخميس

حاسس ان في ناس متعرفشي الخميس الخميس دة يا سادة يا كرام هو اجر سيدنا في الأسبوع في ناس بتدفع فلوس وناس بتدفع

حاجات تانيه انتوعارفينها؟؟؟؟؟؟

المهم انك تروح للشيخ اللي تستريح له بس مش بمزاجك برضو ممكن والدك يكون عاجبه الشيخ اللي بيعبط وبيمد بالفلكه وبيضرب بالقحف

اللي بيجي من الخل بس اقوي من الجريده

نبدأ يومنا بقي

في حاجات كتير حلوه في الفقي لسه محكتشي عنها

هكمل بعد الفاصل