ماذا تمثل الدنيا في قلبك

اثناء عملي فقدت مبلغ من المال وبعد مراجعة ما قمت بعمله
طوال اليوم لم اتمكن من تذكر المبلغ المفقود واثناء سيري
في الطريق احسست وكأن الشيطان بجانبي
لا يتركني افكر في شئ الا في المبلغ المفقود اقرأ في
كتاب اري الشيطان يذكرني به مره اخري
اصلي اجدة اتاني يذكرني بكل تفاصيل هذا اليوم
كلما ادافع الشيطان من جهة يأتي من جهة اخري
الي الحد الذي كنت اجلس علي فراشي اناقش الشيطان واقول له
اتركني واعطي لك مثل المبلغ المفقود ,افسدت علي حياتي
لا ادري ؟هل هذا "
حب للدنيا والمال كما زينها الله لنا؟
ام هي النفس وغريزه التملك؟
ام هو الشيطان؟
كل هذا الصراع بسبب فقد شئ قليل من المال
المهم انني احسست ان الشيطان قريب مني جدا
يعني كنت خلاص هقفل حجرتي علي نفسي
واضربه لحد ما اريح نفسي منه ,
ويا سلام بقي لو ايدي مسكت زمارة رقبته
عارفين كنت هعمل ايه ؟
كنت هاخدها واعطيها لأي عيل صغير
في الشارع يلعب بيها
طبعا بعد ما اخلص عليه وأريحكو من شره,
طب ارحمني شويه ووسوس لي في حاجة تانيه
مش راضي يسمع الكلام
احاول اجيب رجله في موضوع تاني مش راضي
اقوله: مش مشكله الفلوس المهم الصحه
يقولي :انت في اشد الحاجه للفلوس
وعاوز تكون نفسك ومصروف البيت
اقوله :الزعل مش هيفيد بحاجه
يقولي: ركز اكتر يمكن الواد بتاع كذا
اعطيته فلوس زياده
اتصل بصاحبي يقولي الفلوس مظبوطه
فضل يشككني في كل الناس,
بقيت ماشي في الطريق وحاسس بالوسوسه
طب حد يقولي اعمله ايه ؟
بعد تفكير عميق قلت خلاص احاول اثبت له
اني الفلوس مش مهمه عندي واغيظه
علي شان يبطل زن في وداني
قلت له انا هحرق دمك يا شوشو
وابقي وريني هتوسوس لي تاني ازاي
طب انا هتبرع بنفس المبلغ اللي فقدته
وهزود مصروف البيت بمبلغ اخر
لقيت الزن اللي في وداني بدأ يقل
وشوشو اتحرق دمه ,
والنفس كالطفل ان تهمله شب علي حب الرضاع وان تفطمه ينفطم
طب ازاي الواحد يعرف يميز بين
وسوسة الشيطان
ووسوسة النفس البشريه
وحب الدنيا وغرائزها
الشيخ الشعرواي في احد حلقاته
كان يتحدث عن الفرق بينهم وقال انه في شهر رمضان
تصفد الشياطين فأي معصيه تفعلها في رمضان تكون
من النفس اهو الشيطان محطوط في قفص ومتسلسل
يبقي نفسك هي الدافع الي المعصيه , النفس هي اخطر
علي الأنسان من الشيطان كثير منا يلقي باللوم علي الشيطان
ولكن نفسة التي بين جنبيه الفت كثير من المعاصي
فلا تحتاج الي وسوسة الشيطان ,
اني بليت بأربع ما سلطــــوا الا لأجل شقاوتـــي وعنــــائي
ابليس والدنيا ونفسي والهوي كيف الخلاص وكلهم اعدائي