صوره وتعليق

اناشدكم ونفسي هل اصاب القحط وادينا

وهل جفت ينابيع الهــدي ام أشجبت فينا

فعزرا ان نشدت اليوم الحـــان الشجيينا

وان اسرفت فـي التبيان عما بات يحيينا

فمن للأمة الغرقــــي اذا كنـــــا الغريقينا

ومن للغاية الكبـــري اذا ضمـرت امانينا

ومن للحق يجنوه اذا كلت اذا كلت ايادينا

فما المعني بأن نحيا فلا نحيي بنا الدينا

وأن نجتـــــر مجـــداً ماضيــــاً حينـــــــا

وحينا نطلق الآهات ترويحــا وتسكينــا

ماذا يريد الغرب واعداء الأسلام منا ان نهان ونصمت؟؟؟

ان نضرب ونبتسم ؟؟؟؟؟ان نحاصر ولا ننكر؟؟؟؟

ان نحارب بلا سلاح؟؟؟؟ بأي منطق او بأي عقل نفسر

مايحدث ؟؟؟ ماذا تفعل اذا كنت مكان زيدان ؟

يقذف عرضك وينتظر منك ألا ترد,,,,
ما علاقة السياسه بهذه الأفعال ,

في المشهد السابق عوقب زيدان بغرامه وايقاف 3 مباريات.

ماذا يفعل هؤلاء اليس لهم وطن ينتمون اليه ,

ولمصلحة من ,

وهل اسرائيل تحتاج الي مساندة هؤلاء,

صحيح ضربني وبكي وسبقني واشتكي؟؟
في هذا المشهد السياسي لم يحاسب الفيفا

الاعب الغاني الذي رفع علم اسرائيل علي هذة الحدث؟

اذا اهين نبيك ومثل بكاريكاتير ولم تنتصر لدينك

ونبيك فماذا يسمي هذا في كل الأديان يريد الغرب منا

ان نصمت لأنهم لا يعرفون قدر نبيهم مثل المسلمين ؟

ان يحاصر شعب غزه ولا تتحرك اي دولة عربيه

لنصرته وبمجرد رفع هذا الشعار لمساندة شعب
غزه المسلم فهذا في نظرهم عمل سياسي ؟

ما عاد يحويني سكوتي والبكا **انا لست مجبولا علي الخزلان

انا في يميني الشمس تشرق *عزة وبيدي الثريا همة وتفاني

الي كل من يمتلك وسيله في الأعلام* صحيفه * مجله*

اذاعه وتليفزيون *لانكن اقل من ابو تريكه فلا عزر لنا امام ربنا فلنعلق لافتات في

كل المواصلات والطرق حتي لاتموت القضيه فلنعيش معهم

القضيه بقلوبنا واجسادنا فلنحيي القضيه في حديثنا

بدلا من الكلام في كأس الأمم الأفريقيه,

مرحلة مابعد الجامعة

السلام عليكم ورحمة الله وبركاته

تخرجت من الجامعة عام 2000العام اللي كنت منتظره وانا في مرحلة اعدادي

بفارغ الصبر حيث كان هناك درس يسمي الحياه سنة2000 في مادة اللغه

العربيه وفي هذا الدرس يتخيل الكاتب اشياء غريبه السياره التي تسير

بعصير القصب واشياءغريبه من هذا القبيل يعني لو الأشاره واقفه

ممكن تنزل تسحب كوب عصير من تانك العربيه

المهم جائت سنة 2000واتخرجت من الجامعه ومعتقد اني خلاص

اتحررت من اخذ المصروف وهيكون في جيبي فلوس وقراري

من دماغي مش من دماغ والدي واخيراً محدش يقدر بعد كدا

يقولي خش ذاكر لك كلمتين ينفعوك الكلمه دي كانت بتحرق دمي

, خارج من الجامعه ونفسي انحت في الصخر واستقر ماديا

وادور علي بنت الحلال اللي تشاركني باقي عمري ,

لم اعترض مطلقا علي اي عمل سواء في تخصصي

او غير ذلك المهم الا يفوتني يوم واحد لا اعمل فيه

واتكسب منه كي انمي ما كنت ادخره في مرحلة الجامعه ,

إلي ان انتهي من اجرءات الجيش واستخراج شهادة

التخرج قلت اشتغل في عمل مؤقت في مصنع ملابس جاهزه في

باب اللوق كنت اعمل فيه اثناء فترة اجازة نهاية العام

فعملت مساعد اسطي الي ان انهيت اجرآت استخراج شهادة

التخرج وشهادة المعافاه من الخدمه العسكريه ( الجيش)

وحاولت اكثر من محاوله للحصول علي وظيفه حكوميه

بنسبة ال (5%)للمعاقين ولكن لم اجني من هذه المحاولات

غير التعب والمشقه بعد العمل في مصنع الملابس

عملت امين خزنه في شركة الصقر للألمونيوم والأكسسوارات

وانتقلت من العمل علي مكتب محترم الي بيع الأكسسوارات

صبرت حتي نفذ صبري وتركت العمل لألتحق بعمل اخر

في مجال بيع اجهزة الكمبيوتر بفيصل في مجال الحسابات

الي ان تدرجت منه الي مندوب صيانه وكان عدد ساعات العمل

مفتوح فكنت احس بختناق من حيث طول فترة العمل وكأنك خلقت

لكي تعمل فقط ولا تمارس اي شئ اخر فتركت العمل بمجال الكمبيوتر

الي ان قررت العمل بالتدريس في مادة الحاسب الآلي

اثناء هذه الفترة تدربت في مركز البحوث في مجال النباتات الطبيه

والعطريه ومستحضرات التجميل لمدة 6 شهور الدوره منحه من دوله

اوربيه والحكومه تسكن بها الام الشباب الذي تخرج ولم يحصل علي

فرصة عمل وتدربت في جامعة القاهرة في دورة تابعه لوزارة الأتصالات

علي علوم الحاسب الألي وكلها منح تدريبيه ,

ذهبت الي موجه مادة الحاسب الألي أ/ ناصر غنيم فقرر الحاقي بالعمل بمدرسه

المعتمديه الأعداديه بنين مدرس حاسب الي بأجر رغم ان المرتب يكفي فقط

المواصلات ويأتي اجر كل شهر بعد شهرين الا انني كنت مؤمن بأني

اقوم بعمل نبيل وأن رساله المدرس اكبر من اعطاء الماده العلميه فهو

قدوه لتلاميذه يغرس فيهم القيم والأخلاق وتكوين شخصية قويه لتلاميذه

وفي العام التالي عملت بمدرستين مدرسة ناهيا الأعداديه المشتركه

ومدرسه الجيل الصالح بفيصل وكنت اعمل اربع ايام في المدرسة الخاصه

ويومين في مدرسة ناهيا الأعداديه الي ان توفي والدي عرض علي

ان اعمل محاسب في احد المطابع والي الأن وانا اعمل محاسب

والحمد لله ان وفقت في اختار من ستشاركني مسيرة حياتي

والتي انعم الله علي بها فنحن والحمد لله متفاهمين جدا

تعاهدنا علي تكوين اسره مسلمه يشار اليها بالبنات

نعين بعضنا علي الطاعات فلك الحمد ياربي في ما قدرته

لي فانت تعلم ولا اعلم وانت علام الغيوب

هكذا علمتني الحياه الجامعية

السلام عليكم ورحمة الله وبركاته

في الفتره التي قضيتها في الجامعه ومن خلال اختلاطي بالجيد والردئ

تعلمت اشياء كثيره لم اكن لأتعلمها لو لم اختلط بجميع التيارات الفكريه

الموجوده داخل الجامعه وممارسة الأنشطه الطلابيه * رياضيه * ثقافيه

*رحلات ومعسكرات* ندوات *ومسابقات ومن اهم هذه الدروس؟

1- عدم الأختلاط بالبنات لأنك هتخسر كثير من اصدقائك فبدل ما تخسر

صداقات كون صداقات تدوم لمرحلة ما بعد الجامعه مع رجال مثلك *

2- لا تقتصر علي تحصيل مواد تخصصك فقط تعلم كل ما يتاح امامك من

علوم اخري فذهب الي المكتبه العامه *وشارك في الندوات * والمعسكرات

3- تعرف علي جميع التيارات الفكريه والدينيه والأحزاب الأخري لكي يكون لك

انتماء حزبي * او اتجاه ديني * او فكر تدافع عنه*

4- فترة الجامعه هي اخر مرحله في التعليم وبعد ذلك لن تستطيع ان تمارس

شئ اخر سواء رياضه او معسكرات او مسابقات او ندوات ستأخذك الحياه في

طاحونة العمل الخاص طبعاً الحكومة قفلت ابواب التعيين من ايام الجنزوري

5- اذا كانت لديك موهبه في اي مجال حاول ان تنميها وتمارسها,

في فترة الجامعه اذا كنت تكتب قصه او شعر اوتمارس رياضه فالجامعه

هي اخر محطه ممكن تمارس فيها هذه الأنشطه وتنافس مواهب قويه مثلك*

6-اذا كنت ترغب في الحصول علي دورات تدريبيه في الكمبيوتر او اللغه فبادر بتنمية

نفسك داخل الجامعه فلديك وقت كافي في الدراسه واجازة نهاية العام*

7- تدرب علي الثقه بالنفس فهذه الصفه اذاكانت ليست لديك

يمكن ان تكتسبها بالتدريب ومناقشة الآخرين *وتحدث مع زملائك بما في داخلك

لا كما يحب ان تكون امامهم *كن طبيعيا لا تتكلف ولا تدعي بيئة لا تعيش فيها

او وسط اجتماعي غير الوسط الذي تعيش فيه*

8-لا تعتقد انك بمجرد انتهاء الجامعه ستجد الحياه وريه وان هموم المذاكره

اخف من هموم العمل فستمتع بما يتاح امامك من رحلات وندوات ومعسكرات

في حدود الأدب والأخلاق والقيم*

9- تخير الصديق قبل الطريق الجامعه مليئة بكل انواع الصحبه

(فلينظر احدكم من يخالل)

10- حدد الطريقه المناسبه في المذاكره فليس كل من يذاكر كثيرا

يحصد كثيرا فطريقه المذاكره من الكتاب غير حضور المحاضرات

او المذاكره من الملخصات , المهم ان يكون لك كشكول تدون فيه

ملخص ماذاكرته , وهذا ما سيبقي في ذاكرتك , وستعتمد عليه قبل الأمتحان

تعلم فليس المرءُ يولد عالما* وليس اخو علم كمن هو جاهل

وإن كبير القوم ان كان جاهلا*صغير اذا التف حوله الجحافل

وإن ضغير القوم ان كان عالما* كبير اذا ردت اليه المحـــافلُ

الأنشطه الطلابيه في الجامعه

بسم الله الرحمن الرحيم

الأنشطة الطلابيه في جامعة القاهرة

بعد انتهاء اليوم الأول بحمد الله وفي اليوم الثاني تعرفت علي صديقين هما أ/ سعد من بني مجدول

وصديقي أ/ سامي من البساتين الأول من الأخوان المسلمين والثاني يتبع الفكر السلفي كلاهما كانا

يبدآن اليوم الدراسي قبل المحاضرات بتلاوة ايات من القرآن في المدرج وكنا نذهب سويا الي مسجد

كلية التجارة لأداء الصلوات معاً, قلت سابقا اني احببت مخالطة جميع التيارات الفكريه والمشاركة في

جميع الأنشطه الطلابيه ؛اول نشاط شاركت فيه في جامعة القاهره هو تكوين اسره مثل باقي الأسر

ولكن هذه الأسره لها طبيعة خاصه

( اسره لمتحدي الأعاقه)

حيث تصادف دخولي الجامعة ان التقيت

بأربع اصدقاء معاقين من ناهيا هم أ/ حمدي علي أ/ احمد نصر أ/ ابراهيم رزق أ/فهد الفولي*فقررنا نحن

ومجموعه اخري من ابناء الجامعه المعاقين والمكفوفين تكوين اسره نمثل الجامعه في المسابقات

ونشارك بما يتاح لنا من انشطه تتناسب مع طبيعتنا ورشحنا احد اساتذة كلية الآداب ليقوم بالأشراف علي

الأسره وتم الأتفاق علي ذلك وقام أ/ مفيد شهاب بالموافقه علي الأسره وتم تحديد مقر لها في مدينة الطلبه

( مقر مكتب التنسيق) وانضم الينا من ابطال الجامعه أ/ صبري عبد الرحمن بطل رفع الأثقال في الأوليمبيات

وأ/ شريف الحسينس وابطال في العاب القوي وتم تعيين موظفين من الجامعه للأشراف علي
انشطة الأسره وعلي رأسهم أ/ ناصر ابو زيد المسؤل عن الأسره
وبدا نشاط الأسره بعمل رحلات الي* دريم لاند *ودريم بارك* وفي نهاية العام *معسكر بلطيم* بمدينة كفر الشيخ

وفي معسكر بلطيم كان هناك انسجام بين الطلبه المكفوفين والمعاقين حيث كان معسكر مثل معسكر الجيش حيث

فوجئنا ان المعسكر خيام وغير مجهز والمسافه بين صالة الطعام والشاطئ كبيره وكلها رمال

وكنا نستيقظ لنري كائنات بحريه تحت السرير ولم يكن المعسكر كما هو حاليا حيث تم رصف المعسكر وتجديده

وكنا نقوم في نهاية اليوم بعمل امسيات واستعراض المواهب وحفلات سمر لتوزيع جوائز المسابقات وقد حصلت

علي جائزة المركز المركز الثاني في لعبة الريست ( مصارعة الزراعين)

من المواقف الطريفه اقامة مباراه كرة قدم بين المشرفين الأسوياء وفريق من المكفوفين والمعاقين

والتي انتهت بفوز الفريق الثاني : كانت هناك حالات متفاوته في درجة الأبصار بالنسبه للمكفوفين فبعضهم لايري

مطلقا وأخرون يرون بنسب ضئيله جدا .

وتتم اجتماعات الأسره في مركز الأنشطه الطلابيه بمقر المدينه الطلابيه (مكتب التنسيق ) واثناء اجتماعات

الأسره بمقر النشاط شاهدت شئء غريب

طلبه تتعلم حرف مختلفه فاقتربت منه لأتعرف علي هذه الأنشطه وتنقسم هذه الأنشطه الي:

اولاً: مركز احياء التراث " ويتعلم فيه الطلبه حرف قاربت علي الأندثار منها:شغل الأرابيسك/ النقش علي النحاس/ اعمال التطريز " الخياميه" ويوفرهذا المركز جميع المستلزمات والمدربين العاملين بهذه المهن , وعمل المعارض

ثانياً: نادي العلوم" ويضم اصحاب المخترعات العلميه ومن لديه فكرة اختراع يقوم بعرضها علي احد دكاترة هذا التخصص ويتم مناقشتها علميا وامكانيه تنفيزها, ويقوم المركزبتوفير مستلزمات الأختراع, مع عمل دورات كمبيوتر

ثالثا : النشاط الديني والثقافي " ويهتم بالمسابقات الثقافيه مثل مسابقه بين اروقة الثقافه ويتم اصدار عدد كل شهرويشارك فيه ابناء الجامعه من جميع الكليات, ويتم اعلان المراكز الأولي من المتسابقين, ومسابقات حفظ القرآن

رابعاً: جماعةالصحافه " صحافه خاصه بأخبار الجامعه والمجله الشهريه للجامعه التي تضم اخبار الكلية وابداعات الطلبه من الكليات المختلفه سواء في الشعر او القصة القصيره والمقالات الحره بالأضافه الي المنتديات الثقافيه

خامسا : جماعة الرسم والفنون التشكيليه" وتضم اصحاب المواهب في الرسم والفن التشكيلي والنحت والتصوير الفوتغرافي والتصوير الزيتي " ويتم عمل معارض لهذه المنتجات ويقوم الطلبه بتمثيل الجامعه في المنافسه بين الجامعات الأخري:

كل المجالات السابقه شاركت فيها قدر استطاعتي :

في مجال احياء التراث تحت اشراف أ/ فاطمه المشرفه علي هذا النشاط تقدمت بأستمارة للأشتراك في هذا النشط

وتعلمت علي ماكينه الأرابيسك لعمل الكراسي والمشربيات وكذللك تعلمت عمل علب مطعمه بالصدف الطبيعي والطناعي

مثل علب المجوهرات التي تشاهدونها في شارع الأزهر وخان الخليلي وفي مجال النقش علي النحاس اتذكر الطالب ايمن

المبدع في مجال النقش علي النحاس حيث يتطلب هذا المجال خطاط ماهر ليقوم بكتابة الخطوط الأسلاميه وبعض الرسومات ثم نقوم بنقش هذة الخطوط بالأزميل وسن مدبب لكي يتم تحديد الرسم علي الهيكل النحاسي اما في مجال الخياميه وهو العمل بالخيط والأبره نقوم بعمل اشكال زخرفيه علي الأقمشه مثل التي علي ستائر الكعبه وبعض الملابس اتي تزين يدويا بأقمشه ملونه يتم خياطتها يدويا وهي في القيمه اكبر من شغل الميكنه لأنها يدوي،

اما في النشاط الثقافي والديني : فكنت اشترك في مسابقات حفظ القرآن الكريم , وحصلت علي اكثر من شهادة تقدير وبعض المبالغ الماديه , وفي مسابقه اروقة الثقافه حصلت علي المركز السادس علي مستوي الجامعة والمركز الثامن

والمركز العاشر في اعداد متفرقه من المسابقه التي كانت تحتوي علي اسئله في جميع المجالات والتي تتطلب بحث كبير

في المكتبات

في مجال نادي العلوم كنت اشارك في مساعدة بعض المخترعين ومن امثله ذلك جهاز للبحث عن المعادن في التربه

وجهاز زجاجي لعمل اشعة ليزر ولكن لم يكن لدي اي اسهامات في الأختراعات حيث كان معظمهم من كليات العلوم والطب واشتركت في دورات كمبيوتر مع نادي العلوم في الDOS و win95 وهذه الدورات كان وقتها احدث ويندوز هوWIN95 وكان تعليم برنامج الDOS نظام عقيم ويخليك تقرف من حاجه اسمها كمبيوتر حيث يتطلب معرفة اوامر كثيره ومعقده انتهي استخدامها حاليا,

في مجال الفن التشكيلي : كان مستوايه تعبان بجوار عمالقة الفن التشكيلي والنحت واصحاب الفن التجريدي فأنا لم ادرس هذا الفن ولم ارتقي الي مستواهم فكنت ادخل المرسم قدر المستطاع ارسم بعض المناظر الطبيعيه التي تروق لي

واقوم مساعدة زملائي في عرض لوحاتهم في اثناء فترة المعارض،

كنت اقوم بممارسه هذه الأنشطه بعد انتهاء المحاضرات قدر الأستطاعه, كذلك كنت اشارك في المظاهرات

في اثناء ازمة اقليم كوسوفا وحرب الشيشان تعبيرا عن مشاركتي في مآسي المسلمين وبعد انتهاء المظاهرات

يعقد المؤتمر الختامي عند مقر رئيس الجامعد بالقبه واستمع الي ممثلي جميع التيارات الفكريه والأحزاب السياسيه

مثل الحزب الناصري / وحزب الأحرار / وحزب التجمع / وحزب الوفد/ والأخوان المسلمون كل هذه التيارات الفكريه

كان يقوم متحدث بالنيابه عن الحزب الذي ينتمي اليه ويدلي بدلوه امام مرأي ومسمع جميع الطلاب. في مظهر ديمقراطي و حضاري .

بس اللي بيتبحبح شويه في الكلام وتأخذة الجلاله كنت اسمع تاني يوم انه اتنفخ وطار . زي المفتح بيه
اما في المجال الرياضي " فكانت هناك دوره كرة قدم في ملاعب الجامعه تتم سنويا علي مستوي كلية التجارة

فأسرعت الي صديقي سامي وسعد وكونا فريق للمشاركه في الدوره وحصلنا علي المركز الثاني في الدوره لعامين

متتاليين وكنت اقف حارس مرمي وبشهادة الحضور وزملائي كنت ممتاز في الدورتين.

وفي مسابقات مجلات الحائط: كانت هناك مسابقه في كلية التجارة لمجلات الحائط واخري في رعاية الشباب

الأولي في اي موضوع والثانيه عن حرب اكتوبر وشاركت في المسابقتين وكنت اهوي تصميم مجلات الحائط

وزخرفتها وحصلت في الثانيه علي شهادة تقدير:
في مجال المعسكرات والرحلات: شاركت في معسكر( اعداد القاده بحلوان )والذي يتسم بالطابع العسكري

ويتم فيه التقاء طلبة جامعات مصر كل جامعة يمثلها فوج لمدة اسبوع كامل اقامه كاملة حيث نبدأ الساعة السابعه

صباحا بطابور عسكري وتمارين رياضيه لمدة نصف ساعه مع اخذ غياب المتخلفين عن الطابور وتقوم كل جامعة

بالأشراف علي تقديم الوجبات وخدمة الجامعات الأخري يوم كامل ويسمي ( دوريه) وتعطي جائزه في النهايه لأفضل

يوم دوري اي افضل خدمه ويحصل علي كأس مثل باقي المسابقات في الأنشطه الرياضيه والثقافيه الأخري

ويشرف علي هذا المعسكر قاده كبار في الجيش ويتم القاء محاضرات يوميه لشخصيات سياسيه مشهوره

مثل د/ فاروق الباز ود/ عاطف عبيد د/ احمد جويلي* وبعض المناصب الوزاريه الأخري ممن يعملون بالعمل السياسي
وهناك معسكر اخر وهو علي نفس نمط معسكر حلوان انشئ حديثا في فترة تواجدي بالجامعه وكان مقره المديه الجامعية

وهذه صورة الفوج الممثل لجامعة القاهرة في معسكر اعداد القاده بحلوان

وكانت هذه المعسكرات في فترة توقف الدراسه ويسمي معسكر (قادة المستقبل)

وشاركت فيه لعامين متتالين في الصف الثاني والثاث ويمنع منه طلاب الفرقه الرابعه علي اعتبار انهم قد تخرجوا

من الجامعه .وأقام مركز الأنشطه الطلابيه بعمل معسكر اخر في (مرسي مطروح)

ثمانيه ايام ويتم ترشيح الطلبه المتميزين في المجالات السابقه بالأضافه الي فريق الجامعه في الفنون الشعبيه ومنتخب الجامعه في المسرح ورشحت في هذا المعسكر وتعرفت علي اصدقاء جدد منهم أ/ مصطفي من طنطا كليه الأعلام وكان معي من ناهيا أ/ احمد فاروق فقط وهذه الصوره من شاطئ عجيبه في مرسي مطروحوفي الفرقه الثالثه رشحت لمعسكر في ((شرم الشيخ ) للمتميزين في محافظة الجيزه عن طريق

جامعة القاهرة ويتبع محافظة الجيزه وشاهدنا فندق طابا علي الحدود الأسرائيليه وصعدنا جبل الطور الذي كلم موسي ربه من فوقه وقبر النبي طالح علية السلام في الطريق ودير سانت كاترين

وحضرت ايضا معسكر ( ابو قير في الأسكندريه) وحضر الينا في هذا المعسكر فوج من فلسطين وكان بنظام المخيمات

وتعرفنا علي الشباب الفلسطيني وتحدثنا معهم في ورش عمل حول القضيه الفلسطينيه وفي نهاية المعسكر عقدت ندوه

حاضرنا فيها د/ علي الدين هلال وزير الشباب ان ذالك ,وتم افتتاح مركز كمبيوتر جديده وقام د/ علي الدين هلال

بأفتتاح المركز وطلب منا استعراض مهارات كمبيوتر امام الوزير وكنت ممن تم اختيارة وهذه صوره اثناء عمل

رسومات علي الكمبيوتر

في مجال (الدورات التدريبيه) اشتركت في دورة الأسعافات الأوليه بمستشفي بولاق الدكرور العام وكان معظم المشتركين بها من كليات الصيدله ويتم التقديم لها من خلال جامعة القاهره فقررت التقدم لهذه الدوره رغم عدم تناسبها مع تخصصي وتعلمنا فيها قياس الضغط

واعطاء الحقن في الوريد والعضل واسعافات الحروق وحالات الغرق وانقاذ حالات توقف القلب CPR
واثناء توقف الدراسه تدربت ايضا في شركة المهندس للتأمين في مجال التأمين علي الشركات ضد الأخطار المختلفه

تاج "عمه علي مجاسي"

هذا التاج وصلني من أ/ هني جابر " بحب الحريه"

وسوف اقوم بتحويله الي عمامه لأني لا البس التاج بل تلبسه الملكه اوالملك الأجنبي

*قالوا لك اختار عصر من عصور مصر علشان تعيش فيه تختار أى عصر؟

هعيش في عهد الخلفاء الراشدين وبالتحديد في عهد

عمر بن الخطاب الذي ملأ الأرض عدلا وأشارك في فتح مصر

مع جيش عمرو بن العاص وأشارك عمرو بن العاص في

تأسيس مصر وأخد اجر الفاتحين وأموت شهيد,

*أول أولوية فى حياتك عيلتك ولا شغلك ولا اصدقائك؟

غير ما سبق اول حاجه في اولوياتي رضاء ربي

فإذا كان هذا العمل يرضي ربي سأقوم به علي الفور

سواء كان * لدعوتئ* لأسرتي او عملي أو اصدقائي ,

*اوصف أجمل فطار ممكن تفطره؟

الأفطار الذي يحضره اناس احبهم في الله

* وخطيبتي * واهلي وعشيرتي

حتي ولو مش بدوده مش مشكله نوع الأكل ,

*لوانت حاكم على مجموعة من الأفراد حتكون عادل ؟

انا لا احب ان اكون مسؤلا او اسعي لذلك

لأنها مسؤليه وسأحاسب عنها واذا كلفت

بهذا العمل سأقوم فيهم خطيبا واقول مقولة

عمربن الخطاب اني وليت عليكم ولست بخيركم

فإن رأيتموني علي حق فأعينوني وان رأيتموني

علي باطل فقوموني,

*أكتر اعلامى مصرى بتحترمه؟

احمد منصور محاور قناة الجزيرة وفي الصحافه

الكاتب فهمي هويدي

*ممكن تشتغل شغلانة تانية كنت تتمنى تبقي ايه؟

كنت اتمني ان اكون مهندس الكترونيات

واخترع ما يفيد البشريه وأكون نموزج

مشرف للعالم المسلم

*اجمل فرح ممكن تحضره؟

فرح زوجين متفاهمين تعاهدا علي بناء بيت

كله حب واخلاص بيت قوي صلب لا تؤثر

فيه عواصف ومشكلات الحياه اليوميه:

*بتراعي كلام الناس والقيل والقال ؟؟

لا اراعي كلام كل الناس بل اراعي كلام المقربين

مني من يراني مخطئ فينصحني ولكن كلام العوام

من الناس لا التفت اليه فأنا اراقب ضميري اولا

هو ترمومتر اعمالي

*السعاده هى؟

ان تجد من تحب ومن احببته يبادلك نفس الشعور,

ومن الشقاوة ان تحب ومن تحب يحب غيرك :

*عندك أمل ؟ اسبابك ؟

نعم لدي امل , فلما ضاقت واستحكمت حلقاتها

فرجت وكنت اظنها لا تفرج من يقرأ التاريخ

يعرف ذلك جيدا ففي غزوة الخندق كان المسلمون

لا يأمنون علي قضاء حاجتهم وكانو محاصرين ,

والأمثله في التاريخ كثيره المهم الا نفقد الأمل
ولننظر الي محمد الفاتح رغم انه لم يكن صحابي او تابعي ,

*لما بتحب تهرب من كل شئ بتروح فين ؟

لم اعتاد الهروب ولا احبه بل احب ان اخلو بنفسي

وافكر في الحلول والبدائل لكي احل مشاكلي لأني

اذا لم اواجه المشاكل سأهزم من الجوله الأولي فأسارع

انا بالمواجه وليكن هناك سجالا بيننا ,اصرع الهموم وتصرعني ,

*بشجاعةامتى اول مرة خدت فيها نفس طويل وقلت ياااه انا فعلا كبرت ؟
حينما توفي والدي واصبحت المسؤل عن الأسره

ومشاكل اخوتي ,

*وايه شعورك اما ست او راجل بيشرب سجاير؟
كلاهما مخطئ في حق نفسة اولا ,
وفي الأخره سيندم علي ما فعل يوم لا ينفع الندم ,
وادعو الله لكلاهما بالهدايه , واشعر في داخلي بالأسي والحزن
علي ضياع عقول شبابنا وفتياتنا , وما آل اليه حالهم

*بتعرف ايدك اليمين من الشمال ازاى؟

لما بسلم علي صديق ايدي اليمين بتسبق الشمال ,

وفي الأكل هي بتعرف طريقها كويس ,

*اكتر الة موسيقية بتحبها ؟

مبحبش الموسيقي , لو الدف اله موسيقيه يبقي هوه ده,

*رأيك ليه الذوق والنخوة اتعدموا ؟

النخوه موجوده بس قلت

لو انعدمت , يبقي انا لزمتي ايه,
انت كدا بتغلط في الصعايده دول كلهم نخوه,
بس محتاجين حد ينفض من عليها التراب

*ايه الحاجة اللى لو حصلت لك حتبقى سعيد اوى ؟
اني اتجوز انا واخويا واكمل نصف ديني ,
وشايف الصوره اللي فوق ايوه , صورة الخليفه العثماني الأول
نفسي يرجع ومعاه الخلافه من جديد .

*يبقى عندك ارض زراعية ولااحدس عربيات ولاكام عمارة ولافلوس فى البنك ؟
مش بحلم بالحاجات دي انا بحلم ببيت هادئ وسعيد ,
من بات امناً في سربه عنده قوت يومه

فكأنما حيزت له الدنيا بحزافيرها,

*البحر ولا النيل؟

النيل افضل لأني لو عطشان هشرب من النيل

ولو انت زعلان المثل بيقولك اشرب من البحر

*مجنون ولا عاقل ؟

عاقل طبعاً, لو مكنتش عاقل لا تصل اليك

رسالتي ولما كنت اكتب اليك الأن

*تقرا كتاب ولا تتفرج على فيلم ؟

وما هو الفيلم؟ وما هو الكتاب؟ انا لا احكم علي شئ مبهم

فربمات يكون الكتاب لكاتب منافق او فكره مغلوط

وقد يكون الفيلم هادف ويحوي رؤيه وقصه استطيع

ان احصل منه علي عظه او غير ذلك او العكس صحيح

*تمرر التاج ده لمين ؟

أ/ جمال الدرواني , رئيس تحرير ناهيا الغد

لافتات علي الطريق

هاعيش واتحدي احزاني

نهياويه

الي كل مدون يتابع مدونتي ويرسل تعليق علي مدونتي

ثالثا/ مرحلة الجامعه

بسم الله الرحمن الرحيم

في بدايه المدونه بدأنا بعنوان معالم في الطريق تحدثنا عن بعض المعالم في

اولاً:فترة الكتاب

وثانيا:التعليم "الأبتدائي والأعدادي والثانوي"

ثالثا: مرحلة الجامعه

في هذه المرحله معالم كثيره وبداية انطلاقه قويه نحو المعرفه بكل فروعها

التحقت بكلية التجارة جامعة القاهره

ومع اول يوم في جامعة القاهره

بسم الله الرحمن الرحيم

وسع وسع انا رايح الجامعه وراكب اتوبيس 903

بوصلني لحد باب الكليه انزل قدام باب كليه التجاره

مين اللي واقف علي الباب ده بيقولي فين الكارنيه وانا لسه مطلعتهوش

المهم اطلع الورقه بتاع التنسيق خد يا عم *ادخل

*يااااااااااه ايه الجمال ده حدائق وجناين وكافيتريات طبعاً ماشي ولا بيدي

كابتن كابتن هي دي كليه تجارة

ايوه يا ابني " طب فين جدول المحاضرات "

شكلك جديد ومش عارف حاجه * روح هناك عند السكاشن

شكاشن ايه شكاشن دي كمان محبتشي اطول في الكلام معاه

علي شان شكله قرفان من الناس الجداد

وانا ماشي في الطريق لافتات كبيره ترحيب بالطلبه الجدد

واسره فلان والتيار الأسلامي واسرة حورس وعلاء الدين ايه العالم الغريب ده

الحاجات دي جديده / طب امشي واسأل بعدين ؟

أيه الحجرات الكتير دي اللي عامله زي عشش الفراخ

دي السكاشن وايه الجداول الكتير دي / كل الجداول دي تبقي سنه اولي

اولي : ا*ب*ج * د * ه * و

طب انقل اي جدول؟

بس بس كابتن / حضرتك فاهم من الجداول دي حاجه

مش عارف حاجه اسأل واحد قديم / ادور علي واحد قديم في وسط الزحمه دي

ممكن أسأل حضرتك سؤال * اسأل يا مستجد

/ ممكن اعرف انا في اي مجموعه من الجداول دي

بصلي وقال : اسمك ايه؟ انا قلت في عقلي دا عاوز يتعرف علي

قلت له شريف * قالي انقل جدول اولي "ب"ايه البشر اللي مش طايق نفسه ده؟

قلت له متشكر يا قديم

افتكرت مقوله احد اصدقاتي في ثانوي اللي بيقول فيها

"طالب الثانويه العامه عامل زي الجبنه القديمه كل ما يقعد فيها اكتر يحلو"

طبعا هو في الكليه اقدم مني يعني بيحلو زي الجبنه القديمه كل سنه؟

ابص في الجدول علي شان اعرف هوا معدول ولا مقلوب وايه الأسماء الغريبه دي

مدرج أ* مدرج ب* مدرج العيوطي * مدرج د

وايه المواعيد الغريبه دي السبت من الساعه 2 الي الساعه 8 مساء

طب اعمل ايه والمحاضره الأولي الساعه2

احسن حاجه اروح اكل في البيت واجيب ورقه وقلم
واجي الساعه2 ظهرا*

ارجع بقي من نفس الطريق اللي جيت منه علي شان متهش"

انا قررت من هذا الوقت اني اعمل كل حاجه نفسي فيها مسدقت خرجت بره القمقم اللي كنت محبوس فيه

اي نشاط هلاقيه هشترك فيه * رحلات * انضم لأسره * معسكرات * مسابقات *

يعني هندمج مع المجتمع الجديد بكل اشكاله وقررت احضر كل المحاضرات مش حبا في المحاضرات

المحاضره اللي مش هتعجبني احضر اي محاضره في كليه اخري في أي حاجه انا بحبها ,

وغالبا كليه دار العلوم والعب تنس طاوله في صاله دار علوم الجديده,

ولازم اعرف كل كبيره وصغيره في الجامعه واروح المكتبه المركزيه واعرف اقسام المكتبه

وانواع الكتب واعمل كارنيه استعاره خارجيه ,

عملت كارنيه واول كتاب يعجبني قررت استعارته

*الأستاذ مسؤل المكتبه يقولي دا نسخه نادره ممنوع استعارته ......معظم الكتب اللي

قررت استعارتها كتب تراث

, مش مشكله ارمي همومك ورا ظهرك وانطلق

رجعت الكليه الساعه 2 الظهر من نفس الطريق اللي روحت منه مضطر اسأل واحد تاني

كابتن هو فين مدرج "ب" طبعا مش عارف بيدخلوا منين مدرج ب في مبني العميد واصغر

مدرج بالكليه دخلت من الباب الرئيسي مش من الباب الخلفي وابص من الزجاج خير اللهم

اجعله خير حاجه ازحم من سوق الأثنين بتاع كرداسه كل الأماكن كمبليتو؟

انجليزي دا يا مرسي

لفيت من الباب الخلفي علي شان ده باب الدخول بتاع الدكاتوراول ما دخلت مدرج "ب"

زهلت من الأعداد الكبيره وفضلت متنح لحد ما واحد ابن حلال قالي في مكان اقعد

كنت حاسس اني انا الغريب في وسط الزفه دي كل الناس عارفه بعضها ماعدا انا

وهووووووب الدكتور وصل اول محاضره في حياتي احضرها

ماده السلوك الأنساني د/ كامل عمران

طول المحاضره ببص علي حد اعرفه في المدرج مفيش : بعد المحاضره لقيت طالبه من ناهيا

وكانت معايا في ابتدائي بس انا مش بكلم بنات ؟ ادور علي راجل مفيش *

"علي راي المثل الراجل ب100......؟

ما بين المحاضره الأولي والثانيه مش عارف اعمل ايه ؟

اتعرفت علي طالب بجانبي اسمه طارق من السويس

بس كان بينفض لي علي شان بيتعرف علي زميله بجواره *كنت فاكرها قريبته؟

عدد البنات في المدرج في مجموعة "ب" اكثر من البنين

تتكون مجموعه ب ابتداء من حرف" د" الي حرف" ط" تقريبا

وانتهي اليوم الدراسي بمحاضره رياضيات د/ سعد السعيد

انا محبتشي الرياضيات الا في فتره الثانويه في اخر سنه

عن طريق أ/ كمال الشيمي و المهندس / كمال طلبه

قبل كدا مكنتش بحب الرياضيات والرياضه البحته اللي اخدناها في الجامعه

كانت امتداد لرياضيات الثانويه العامه *

يعني مفيش مشكله في الماده دي اي حد محتاج مساعده من القسم الأدبي

ممكن اشرحهاله

ايه اليوم الطويل ده اروح بقي الوقت اتأخر وانا خايف لحسن الاقي ناهيا قفلت بدري

ايه ده في ناس بره المحاضره كتير انا كنت فاكر كل الناس داخل المحاضره ؟

كل واحد ماسك ودان واحده ..... ممكن نتعرف ؟

تقوله اسفه ههههيئ""""

وتاني يوم تلاقيهم خدوا علي بعض

وهاتك يا هزار باليد وب............بلاش ؟

كفايه كدا* دا اول يوم بس *في الفرقه الأولي كليه تجارة

فاصل ونواصل

في مدرسة كرداسه الثانويه

مدرسة كرداسه الثانويه المشتركه

في مرحلة التعليم الثانوي بمدرسة كرداسه بعض المعالم التي مازالت في خاطري اريد التعليق عليها سريعا

شكل المدرسة الخارجي سنة في الصف الأول الثانوي قبل الزلزال فوجئت بفارق كبير بين مدرسة

ناهيا الأعداديه وكرداسه الثانويه من حيث الشكل والتنظيم ؟؟ بين أ/ عبد الصمد بشندي مدير مدرسة ناهيا

وأ/ منير روفائيل مدير مدرسة كرداسه وشكل المدرسه الخارجي والداخلي ففي مدرسة كرداسه يوجد تل كبير

من القمامه يتم ازالته يوميا ويرجع كما كان وبالنسبه لشكل المرسة من الداخل مختلف ايضا حيث تقل مساحة المدرسه

الثانويه عن المدرسه الأعداديه بكثير والأشجار ومساحات الملاعب والمزروعات تقل او تنعدم في حوش مدرسة كرداسه وبالنسبه للفصول دهانات الجدران والأسقف تسقط اثناء الحصص واذا لامست الحائط تحتاج الي صديق يقوم بتنفيض حضرتك بمنفضة بتاع السجاد

دا من حيث المظهر طبعا انا قضيت ابتدائي واعدادي في ناهيا اما ثانوي هتغرب وهذهب لقريه مجاوره

يجتمع في هذه المدرسه ابناء ناهيا وكرداسه وابو رواش وبني مجدول وكفر حكيم

المواصلات الي المدرسه

سيارة او سيارتين بينقلوا طلبة ناهيا .اتذكر اسم واحد منهم عم / مسعد دا كان بيدخل بينا الي اقرب مكان للمدرسه

حيث تبعد المدرسه كثيرا عن المحطة المعتاده للسيارات في يوم الأثنين حيث السوق محدش يقدر يدخل بسياره

دا يدوب بالعافيه لو عرف يمشي من الزحمه اسهل حاجه للوصول للمدرسه ندخل اي شارع جانبي وتفضل تمشي

في شارع جوا شارع وعاطفه وراها عاطفه وتسال فلان وعلان لحد ما تتوه وواحد يوصلك للمدرسه ولو وصلت متأخر

تحاول تفلت من الباب باي حيله او تاخد عصيتين علي غيار ريق تدفي وتخش الحصه الأولي وانت منتعش...... ।

الحقونااااااااااااااااااااااااااااااااازلزال

بعد بداية الدراسه بكام شهر حدث زلزال انا كنت ساعتها بذاكر مادة التاريخ أ/ فايزه مدرسة التاريخ أ/ محترمه جدا

كانت مش بتلبس غير اللون الأسود والتكشير مش بيفارق وشها مش عارف ليه؟ محاولتش اسأل عن اللون ألا سود

ولا عن سبب التكشير بس كانت جاده جدا في الشرح والحزم داخل الفصل ।

في خبراء حضروا بعد الزلزال وكشفوا عن اسقف المدرسه فقرروا عدم صلاحية المدرسه وتنكيسها

يعني هوا الزلزال السبب؟ متعرفش بس ترفع راسك في السقف من داخل الفصل تحس انه كان محشي كنافه مش اسياخ حديد طب الطلبه هيروحوا فين لازم نفكر ؟؟؟؟؟

بس الحكومه قررت تعمل اكشاك خشبيه في الحوش بدل الفصول تخيل معايا بقي شكلها؟ اللي عاوز يكلم واحد في فصل

تاني يخرم الخشب ويكلمه ويسلم عليه وممكن مدرس يكون بيشرح لغه انجليزيه وتيجي في ودنك فرنساوي من شرح مدرس الفصل المجاور

قليل جدا في ثانوي بيشرح بضمير لكن في اعدادي كان العكس قمة الأخلاص في الشرح قليل جدا اللي بيكروت في الشرح من المدرسين الممتازين اللي اتذكرهم بخير ولهم كل التقدير والاحترام:

أ/مصطفي زهيري*مدرس احياء وأ/ بهاء * لغة عربيه*أ/ عبد الصمد *رياضيات*أ/صابر هديب * جغرافيا

بعد انتهاء الصف الأول الثانوي بدأ تنكيس المدرسه وبناء مدرسه جديده وانتقلنا فتره مسائيه بمدرسه اعدادي مجاوره

مشروع الصرف الصحي في كرداسه؟؟؟

بجمله الكوارث : الزلزال * السوق * الصرف الصحي *في مشكله في الوصول الي المدرسه

حيث بدأ مشروع الصرف الصحي وأنا في مدرسة كرداسه فقلب الشوارع رأسأ علي عقب والطريق بقي عبارة عن حفر ومطبات صعب السير فيها وتفاقمت المشكله في الوصول الي المدرسه واعتمدنا علي السير علي الأقدام وسط

الحفروالمطبات।ربنا يبعد عنك ولاد الأيه ولا يخيبك خيبة الجنيه

ويجعل اصحابك كلهم اخلاص ويكفيك شر سواقين الميكروباص

ويزود في ايدك النقديه ومتكلشي فولا ولا طعميه ....قادر يا كريم

من الأصدقاء المقربين لي في الديسك دائما اثنين من ناهيا الطالب / احمد سعيد عبد الحكيم والطالب /الشازلي من بني مجدول كنا احنا الثلاثه لا نفترق دائما في الديسك افترقنا فقط في الصف الثالث الثانوي حيث التحقت انا والشازلي بالقسم العلمي واحمد سعيد بالقسم الأدبي

كان اهم ما يميز الشازلي انه شاطر في الأنجليزي وأنا واحمد سعيد بنكره الأنجليزي موووووووووت

وطبعأ مدرس الأنجليزي أ/ صابر قنديل لما يحب يهزأ حد يوقفني انا واحمد سعيد ودائما كان يقولي أبقي قابلني لو فلحت

نفسي اقابله من زمان ولو صدفه مع اني عملت فتره بعد التخرج بالتدريس وقابلت مدرسين انجليزي كانو بيدرسولي

واصبحت مدرس مثلهم في اعدادي مثل أ/ محمد حامد وغيرهم الكثير الذين عملت معهم في نفس المهنه"

الأهلي..............والزمالك

الي ان وصلت الي الثانويه لم اعرف شئ عن الأهلي او الزمالك سوي لون الفانله فقط الي ان وجدت شجار في الفصل بسبب مباراة الأهلي والزمالك ومابين كل حصة واخري اجد مشاحنات كلاميه في مباريات الدوري وانا جالس مثل

الأخرص في المغني فقررت اتثقف كرويا واول ما انوي اشجع شجعت الأهلي مش عارف ليه بس قلت الأهلي اكبر شعبيه فوجئت بزميلي احمد سعيد متعصب زملكاوي مفيش حد في البيت من الصغير الي الكبير بيشجع الزمالك

فكنت اسأله عن مواعيد المباريات فكان حافظها من اول يوم يبدأ فيه الدوري فكان اول موسم بدأت اشجع فيه الأهلي

يخسر الدوري / انا من يومي واد فنان

انا من يومي احب الأهلي واموت في الأهلي

وبلعن اهله ويلعن اهلي

لو في الماتش ماجابشي اجوان

انا من يومي واد فنان

انا من يومي احب الكلمه

تكون في الحق

تبقي في وسط الضلمه سياسه

واوعاك يابني تقول دي خباسه

اصل الكلمه في مصر بتمشي

وسط حراسه ووسط كلابش

وقول ماتخافش ولا يهمكش

لو قضيت ليلتك في لماااااااان

وكفايه كدا علي شان الحيطان

ليها ؟؟؟؟؟؟؟؟؟؟؟؟؟؟؟؟؟؟

بعد كدا الأهلي اخد الدوري سبع سنوات متتاليه اللي بيقولو عليهم " سبع سنوات عجاف " علي الزمالك طبعاً

المدرسه الجديدة خلصة يا رجاله مبرووووووك

في الصف الثالث الثانوي تم الأنتهاء من بناء المدرسه وانتقلنا والحمد لله للمبني الجديد

والمحافظ افتتح المدرسه الديسكات جديده كل حاجه جديده في نصف العام كان كل شئ

انكشح وبان يعني الديسكات في الشتا اتكسرت وادفينا بيها في الحوش من البرد

حتي الباب الحديد في ناس عكاول او عتاول ضربوها بكتفهم وكسروا القفل والزي المدرسي كان بيطبق جديد النطلون الكحلي والقميص لبيض كان في ابيض ساده وابيض مقلم وابيض مشجر واللي يتزنق خالص يقلع القميص تلاقي تحته حاجه بيضه اسمها فانله يخش بيها المدرسه كلو كان بيشغل مخه في موضوع الزي في الأزاعة المدرسيه

أ/ بهاء مدرس اللغه العربيه كان بيقدم فقرة الأمثال الشعبيه الحاجه الوحيده اللي افتكرها من الأزاعة المدرسيه الي الأن كان كل يوم يصبحنا ببعض الأمثال الشعبيه ويشرحا

خد عند

ابن الديب مبيترباش ؟

ان مات حمار الملك الناس تعزي الملك وان مات الملك محدش يعزي الحمار؟

وكان بيحلل الأمثله من ذاك القبيل في الأزاعه*

واول ما اتقال المثل الأول المدرسه كلها ضحكت علي شان البواب اسمه محمد الديب

بس المقصود من المثل ان ابن الديب بيورث المكر مش محتاج علام؟

في مشهد اخر كان بيتكرر يوميا بتاع العيش كان بيعدي قدام المدرسه الصبح وينزل عيش ابيض للكانتين صوته مميز وهو بيقول

ابيض ابيض عاوز عيييشششش

كفايه كدا ثانويه عاميه ونروح الجامعة هيهههههههه

ونجحنا في الثانويه عقبال الأبتدائيه