اكظم غيظك.........خليك بارد؟

والكاظمين الغيظ.............؟؟؟
من حديث الرسول صلي الله عليه وسلم
(ليس القوي بالصرعة ولكنه الذي يملك نفسة عند الغضب)
كنت قد ذهبت الي المستشفي واثناء وقوفي في طابور التذاكر
مش بتاع تذاكر تنجح لالالا.....دي بتاع تذاكر تكشف الأول عند الدكتور
واقف محشور بين راجلين الأمامي افندي (محترم) واللي ورايا صعيدي بعمه
والأستاذ اللي بيقطع التذاكر بيقطع تذاكر لناس بيدخلوا له من باب خلفي
يعني مش في الطابور.
المهم الأستاذ اللي امامي ( المحترم)
المدام بتعته اعطته تليفون واحد بيرن عليهم بالليل
قالتله خد الرقم اللي بيزعجنا بالليل اه خد هزأه
وطبعا انا رايح اكشف في وقت الراحه (البريك)
بريك فاست او مفاستش مش مهم المهم الحق اكشف
وارجع تاني الشغل قبل ما يخلص الوقت
الأستاذ (المحترم )اللي امامي اخد التليفون من زوجته
وبدا يهزأ الشخص اللي بيتصل بالليل .
يقوله يا افندي يا محترم متتصلشي بالنمرة دي خالص
التليفون بقاله معايا 45سنه مغيرتش النمره
بطل بقي بجاحه وقله ادب .
وانا واقف وراه ومنتظر يخلص علي شان الحق اقطع تذكره
والأستاذ بتاع التذاكر انتهز انشغاله بالتليفون
وبدأ يخلص في طابور النساء.
وانا بغلي من جوا علي الوقت اللي بضيعه في الطابور
فمديت ايدي شويه علي شان اقطع تذكره .
يكون هوا روق الزبون اللي مطلع عينه وبيرن عليه بالليل
الأستاذ ( المحترم ) خلص المكالمه وروق الزبون
ومسك في انا ؟
يعني هوا مفيش احترام للدور.
لوح اللي واقف قدام حضرتك.
مفيش اصول .
واتقلب الي انسان ( مش؟؟؟؟؟)
ارد عليه اقول ايه ؟
يا استاذ انا لسه مقطعتش تذكرة وسايبك
علي راحتك في التليفون ؟
يعني عاوز تقطع قبلي .
هوا مفيشش؟؟؟؟
والأستاذ بتاع التذاكر بدأ يسخن الأستاذ
اللي كان محترم ؟
ويقول له عندك مفيش احترم خلاص.
وهوا كان بيقطع تذاكر من الباب الخلفي ؟وانا مطنش.
وبيخلص طابور النساء وسايبني علي اعصابي .وانا مطنش
قررت اكظم غيظي
لأني شايف الشيطان واقف علي ودان كل واحد منهم
وبيرغي في ودنه؟
قلت لهم انا مش هتكلم خالص اتكلموا حضراتكم ؟
وطلعوا الكبت اللي جواكو انتم الآثنين.
فضلوا يشرشحوا وانا ساكت.
لحد ملقيوش كلام يقولوه .
وانا في قمة البرود.
في ثلاجه .....باااااارد جدا
الراجل بتاع التذاكر يقولي اتكلم يا ابني
قلت له ....لع؟
والصعيدي اللي ورايا بيضحك بس مش عارف ليه؟
رحت اكشف عند الدكتور .
قابلت الراجل الصعيدي عند العياده
بردو بيضحك ...
اخدني الفضول . مش الفول.
اني اسأله في ايه؟
قالي الراجل بتاع الموبايل بيقول ان الخط معاهبقاله 45 سنه .
من 45سنه مكنشي حد اخترع الموبايل .
مكنشي في الا تليفون العمده بيشتغل بالمنفله؟
قلت له عندك حق ازاي فاتت علي دي ومضحكتش معاك
الظاهر والله اعلم كدا من كتر الأخبار اللي بتوصلي خطأ
مبقتش اهتم يعني تلاقي في الجرنال مثلا.
مصر تحقق اعلي معدلات في كيت وكيت وكيت؟
مصر لديها اجود انواع القطن اهيف التيله (اهيف = طويل )
لدينا اكبر بتاع في الشرق الأوسط؟
معدل النمو خماشر في %
معدل التضخم خمنتاشر %
الدخل القومي والناتج المحلي ربنا يبارك مرتفع دائما.
وتيجي تشوف الواقع تلاقيه عكس ما سبق تماما؟
فحصلي تبلد ارقام يعني ودني خدت علي الأرقام الغلط
نخش نكشف بقي دخلت اكشف الدكتور قالي
ادفع المبلغ ده وهات فاتوره
يااااااه هرجع تاني للطابور.
والراجل بتاع التذاكر لسه فايته
بدفع الفلوس الراجل اللي بيقطع التذاكر
استحلفني بالله لازم تتكلم:
وفضل يقولي انا غلطان .
حضرتك احرجتنا بسكوتك ده؟
قلت له انا قررت اكظم غيظي
المواقف اللي زي دي الشيطان بيكون فيها شاطر
كلمه مني علي كلمه منه ممكن الموضوع يكبر
قالي والله نعم العقل لو كل الناس
بتفكر كدا .... مكنتش الاقي كل يوم خناق بسبب كلمه بسيطه
الشاهد في الموضوع ده اني لاحظت ان الشعب
المصري صغيره وكبيره نساء ورجال . بيتحيل الفرص
لكي يخرج كمية الغيظ اللي جواه مما يحاك به .
من ارتفاع اسعار وزحمة مواصلات .....الخ الخ
حضراتكوا عارفين؟؟؟؟
يعني ممكن تلاقي تفل صغنن بيلم أجرة في ميكروباص
لو حضرتك معدي وحكيت فيه ممكن وحضرتك انسان
محترم ولابس جرفته يهزئك ويطول لسانه كذا تسعتاشر متر
والحل ايه والشيطان بيصطاد في الماء العكر.
اصمت ولا تتكلم واثبت لنفسك اولا انك قوي
مصداقا لقول الرسول صلي الله عليه وسلم
(ما تعدون الصرعة فيكم قالو الذي لا تصرعة الرجال
قال ليس ذلك ولكنه الذي يملك نفسه عند الغضب)

الحلقه الثالثه . حواديت مفتري يار

الحلقه الثالثه:

(0بدون تعليق)

ومن حواديت مفتري يار॥ بياع الدين والديار॥ أنه كان يتمني لنظامه الميمون طوال الاستمرار॥ بدعوي الحفاظ علي الهدوء والاستقرار॥ وتجده يفرض نفسه ملكًا عنوة بدون أي اختيار॥ ولا يؤيده في ذلك سوي الصفوة أصحاب القرار॥ حتي يجنوا ما وراءه من كنوز اللؤلؤ والمحار॥ بينما يزداد حال الشعب بؤسًا وافتقار॥ تراه في عيون الجالس والمار॥ وقد باتت الحلوق مملوءة بأشواك الصبار॥ وتنتظر الأذن يومًا تسمع فيه الخبر السار॥ بعد الضجيج الذي أعياها من أصوات الناي والمزمار॥ وذلك الفن الهابط الذي يصيب بالغثيان والدوار॥ والذي احترف أصحابه تسلق الأسوار॥ مما جعل القلوب تناجي العزيز القهار॥ بأن يرسل الفرج بعد طول انتظار

توقيع*ابو يوسف سيف الدين البتار,

الحلقه الثانيه . حواديت مفتري يار

( شايفين الحمار شايل وماشي مش عارف رايح فين , متي سيلقي من علي ظهرة الأثقال ؟؟؟؟؟ فكروا معي في حال خمنتاشر الف محتار)

عمت مساءً يا شعبي المحتار ,

فمازلت تأكلُ الفول اكل الحمار ,

ولا تستطيع ان تهب لنصرة المختار,

انهض والا سيلحق بنا الدمار,

دلوني اين انشد جيل الثوار,

انا سامع واحد بيقول بحبك يحمار,,

وهذا الذي سيأتي لنا بالعار,
سلام,,سلام,,شهبندرلسانه زاد تسع امتار؟؟؟

الحلقه الثانيه.

كان ياما كان؟

ومن حواديت مفتري يار॥ بياع الدين والديار॥ أنه كان شديد الانبهار॥ بفن الحكم عند الفرعون «جبار»॥ فكان يستعين بعلماء الآثار॥ لفك طلاسم اتخاذه للقرار॥ وبعدما حدث لنفوذه انحسار॥ فقد طالبه أكثر من مستشار॥ أن يعلن علي الملأ كامل الاعتذار॥ وأن يراعي ما عليه من حقوق الجار॥ وحتي لا تزداد أعداد الثوار॥ فعليه ألا يسبح ضد التيار॥ مما يعرضه للأهوال والأخطار॥ بعدما أعلن شعبه حالة الاستنفار॥ وتحرك الجميع في المدن والصحار॥ ينادونه بوضع حاشيته تحت المنظار॥ من أصغر موظف وحتي الحاكمدار॥ ليتم القضاء علي تلك الأوكار॥ التي تأوي الهباشين من بني هبَّار॥ ويطالبونه بسرعة ضبط وإحضار॥ كل من لعب بقوت الشعب القمار॥ حتي يوضع علي رأسهم المنشار॥ لعله يرضي من بيده الآجال والأعمار।

أبو يوسف سيف الدين البتار ؟؟؟

**************************

حواديت مفتري يار* الحلقه الأولي

اثناء ما كنت اقلب في اوراقي القديمه وجدت

هذه الحلقات فلم ابخل بها عليكم جمعتها ,

من بعض الصحف واتمني ان تنال اعجابكم

* واللي يفهم حاجه ميقولش علي شان

مفتري يار ميزعلشي مني وهذه هي

الحلقه الأولي

كان ياما كان؟؟؟؟

ومن حواديت مفتري يار بياع الدين والديار॥ أنه كان كارهًا لهطول الأمطار॥ خوفًا علي مزارع (الكوسة) والخيار॥ التي يعتمد سياستها باستمرار॥ كما يعتمد علي ريعها في استيراد الكافيار ॥ وكل ما لذ وطاب من المارون جلاسيه إلي السيجار॥ بينما أضحي شعبه يحلم بأكلة منبار॥ بعدما أعياه الفول॥ وحيث أصاب الناس الجوع والفقر والدمار॥ ومن فرط ما حدث لصحة الشعب من إهدار॥ علي يد «الوالي» حامل الأوزار॥ لم يعد أحدهم قادرًا علي السير لعدة أمتار॥ أو حتي الصعود لبضعة أدوار॥ وبعد أن قهر أجدادنا جيوش التتار॥ تُري من سيتصدي لما يحيق بالأمة من أخطار?!॥ بعدما تحولت حاشيته إلي فريق ما بين طبال وزمَّار لا يجيدون سوي ترديد: «عمار يا بلدي عمار»!

توقيع /ابو يوسف سيف الدين البتار"""

****************************

وبعد ما الفول اسعاره بقت نار ,

وشعبنا مبوز من غلاء الأسعار,

وده كله من فكر شهبندر التجار,

اقطع هدومي يقولوا الواد عقله طار,

هذه صرخة في اذان شعبنا المحتار,

سلام يا شعب بيحب الأستحمار؟؟؟؟